Prej më shumë se dy orësh disa qindra qytetarë po protestojnë para Kryeministrisë dhe ministrisë së Brendshme, duke shprehur revoltën e tyre për vrasjen e 25-vjeçarit Klodian Rasha nga njv efektiv policie.
Qytetarët kërkojnë dorëheqjen e sandër Lleshajt nga posti i ministrit të Brendshëm, ndërsa nuk kanë munguar përplasjet mes protestuesve dhe policisë.
“Fyte në b*thë pistoletën”, janë thirrjet e qytetarëve drejtuar policëve që kanë ngritur kordonet e sigurisë rreth godinës së Ministrisë së Brendshme dhe Kryeministrisë.
Ndërkohë ish-deputetja e LSI-së, Floida Kërpaçi, shkruan në rrjetet sociale se Lleshaj tha se çdo polic është fytyra e tij.
“Kjo është deklarata më e padenjë për Policinë e Shtetit! Sot, e gjithë Shqipëria kërkon drejtësi për Klodianin dhe përgjegjësi! Kjo do të thotë dorëheqje e ministrit Lleshaj! Largohu që policia të ndryshojë fytyrën. #drejtësipërklodianin”, shkruan Kërpaçi.
