Është mbyllur në barazim 0-0 sfida mes Partizanit dhe Teutës, e vlefshme për javën e 7-të të Kategorisë Superiore.
Një ndeshje e mbushur me emocione ku të dyja skuadrat kishin raste të shumta shënimi. Të kuqtë provuan të shënonin disa herë me Solomon, madje në minutën e 56-të, sulmuesi trondit edhe traversën e kundërshtarëve por pa arritur te goli.
Më i rrezikshmi te Teuta ishte Dejvi Bregu, i cili gjithashtu kërkoi me ngulm golin. Rastin më të mirë, vlonjati e pati në minutën e 84-t teksa kishte mundësinë e realizimit me anë të një 11-metërshi. Alban Hoxha i kupton krahun mesfushorit durrsak dhe e eviton mjaft bukur penalltinë, duke u kthyer në hero për skuadrën e tij.
Në fund skuadrat ndajnë pikët në një ndeshje ku mungoi vetëm goli. Barazimi i dytë radhazi për skuadrën e Dajës pas atij në derbin e kryeqytetit ndërsa Teuta regjistron barazimin e pestë radhazi.
