Shqipëria përkujton sot 76-vjetorin e Çlirimit nga pushtuesit nazifashistë në Luftën e Dytë Botërore. Gjatë Luftës së Dytë Botërore, Ushtria Nacionalçlirimtare e Shqipërisë nisi një kryengritje të armatosur kundër pushtimit të vendit.
Duke nisur nga 7 prilli i vitit 1939 e deri më 29 nëntor të vitit 1944, Shqipëria ka qenë e pushtuar nga Italia fashiste dhe pas kapitullimit të saj, në vjeshtë të vitit 1943, vendi u pushtua nga forcat gjermane.
Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej te çlirohej qyteti i Shkodrës dhe qarku i tij.
Debati për vite me rradhë është nëse data e çlirimit është 28 apo 29 nëntori i vitit 1944.
Ndërkohë Kryeministri Edi Rama e ka nisur ditën me me vargjet e Qemal Stafës.
“E vjetra po shembet, kohët po ndryshojnë, një jetë e re po lulëzon gërmadhash”, është kjo shprehja e postuar nga kryeministri ditën e sotme për të kujtuar këtë ditë të veçantë për vendin.
