Nënkryetari i LSI-së, Petrit Vasili shprehet se debatet e fundit të nisura nga Edi Rama kanë synim vetëm shmangien e vëmendjes nga situata e rëndë me pandeminë e koronavirusit.
“Edi Rama, korrupsion dhe debate artificiale, për të shmangur vëmendjen nga katastrofa shëndetësore e COVID!
567 raste të reja vetëm sot dhe 8 humbje jete, katastrofë që s’ka të ndalur.
Edi Rama po vret njerëzit me korrupsionin e tij të pandalshem gjithfarësh dhe po ngop me para’ vehten dhe oligarkë e klientët.
Parate e shqiptarëve mund të shumëfishonin kapacitetet spitalore për të sëmuret me COVID.
Te semureve me COVID u takon me ligj të gjithëve, që të marrin kujdes spitalor dhe jo të seleksionohen apo të rrijnë në makinat e autoambulancave.
Edi Rama në mes të katastrofës shëndetësore provokon debate artificiale, për çështje të vdekura dhe pa asnjë lidhje, thjesht për shmangien e vëmendjes nga katastrofa dhe zgjidhja e saj e munguar.
Këto debate artificiale të stisura nga Edi Rama duhen pështyrë e përbuzur me neveri ndërkohë, që shqiptarët humbin jetën përditë nga Covid.
Kjo që po bën Edi Rama është krim shtetëror”, shkruan Vasili.
