“Rama me projekte 3D”/ Bylykbashi: Një vit nga tërmeti, banorët e Durrësit ende në çadra

Oerd Bylykbashi, nga Partia Demokratike, nëpërmjet një postimi në rrjete sociale, deklaron se asnjë montazh kryeministror nuk e fsheh dot të vërtetën e dështimit të kësaj qeverie, me ndërtimin e banesave të dëmtuarve nga tërmeti.

Bylykbashi shprehet se qeveria ka vetëm projekte 3D, ndërsa thotë se është fakt se një vit nga tërmeti, qytetarët e Durrësit, janë ende në çadra e po i zë dimri i dytë.

Bylykbashi shprehet se Rama ua fsheh të vërtetën shqiptarëve, dëshmitë me zë e figurë dhe pamjet faktike nga shtëpitë e tyre të rrënuara dhe të pabanueshme.

Statusi i plotë i Bylykbashit

Nuk e fsheh dot deshtimin asnje montazh kryeministrior, sikunder asnje video me projekte 3D nuk e mbulon dot te verteten e deshtimit te ndertitmit te banesave te demtuara nga termeti i vjetshem.

Si pasardhes i partise qe rremonte ne biografine e njerezve, edhe Edi Rama ne cdo deshmi te vuajtjeve kerkon “armikun e klases” sepse nuk e duron ate qe te thote te verteten e hallit qe e ka zene duke ia nxjerre zbuluar propaganden bajate.

Fakt eshte qe nje vit nga termeti qytetare te qarkut te Durresit jane end‎e ne cadra ku po i ze dimri i dyte.

LEXO EDHE  "31 vite qenëzënie për pasuri, nga ju politiqenët"

Për Edi Ramën, anëtarët dhe aktivistët e opozitës nuk kanë të drejtë as të zhdëmtohen si të gjithë të tjerët për dëmet që u ka shkaktuar tërmeti, as të ankohen për diskriminimin politik që u bën pushteti.

Jo vetëm kaq, por Rama ua fsheh shqiptarëve dëshmitë e tyre me zë dhe me figurë dhe pamjet faktike nga shtëpitë e tyre të rrënuara dhe të pabanueshme.

Fakti është se çuditërisht sa herë që kryetari apo një përfaqësues i opozitës shkon të shohë gjendjen e qytetarëve të mbetur pa strehë, pushteti del të premtojë se punimet fillojnë pas disa ditësh.

E vërteta është kjo: Edi Rama, Arben Ahmetaj dhe Erion Veliaj i kanë lënë familjet e dëmtuara nga tërmeti në çadra, në shi, në baltë prej 1 viti.

Pas 1 viti, ata s’kanë asnjë rezultat konkret, por vetëm premtime: të njëjtat premtime fallso dhe bajate që u ofrojnë qytetarëve me lugën bosh të propagandës. E verteta nuk fshihet.