Covid/ Studimi i ri: Ja cilët pacientë i humbin më shpejt antitrupat

Një studim britanik i Imperial College London dhe Ipsos Mori tregoi sot se personat asimptomatikë kanë më shumë të ngjarë të humbin antitrupat e tyre më shpejt sesa ata që kanë përjetuar simptoma të koronavirusit të ri.

Nga 20 qershori deri më 28 shtator, dy organizma kanë ndjekur 350 000 persona të zgjedhur rastësisht në Angli, që janë vetëtestuar rregullisht në shtëpi për të parë nëse ata dispononin antitrupa për COVID-19.

“Gjatë kësaj periudhe, përqindja e personave të testuar pozitivë për antitrupat ve COVID-19 u ul me 26,5%, duke kaluar nga 6% në 4,4% të popullatës së testuar”, thuhet në një komunikatë, e cila sugjeron një reduktim të antitrupave në javë ose muaj pas infektimit.

“Rezultatet sugjerojnë gjithashtu se personat që nuk shfaqën simptoma në lidhje me COVID-19 ka të ngjarë të humbasin antitrupat e tyre më shpejt sesa ata që shfaqën simptoma”, shton studimi.

LEXO EDHE  Imunologu shqiptar: Personat që e kanë kaluar koronavirusin nuk kanë nevojë të vaksinohen

Përqindja e antitrupave tek personat që rezultuan pozitivë me COVID-19 u ul me 22,3% gjatë tre muajve, ndërkohë që kjo rënie arriti në 64% tek ata që nuk kishin deklaruar se ishin prekur nga COVID-19.

Studimi gjithashtu nënvizon se, nëse të gjitha grupmoshat preken nga kjo rënie, të moshuarit janë më të prekur. Mes qershorit dhe shtatorit, përqindja e personave mbi 75 vjeç dispononte antitrupa në rënie me me 39%, ndërkohë që rënia e antitrupave për të rinjtë e moshës 18-24 vjeç ishte vetëm 14,9%.

“Ky studim është një pjesë thelbësore e studimit, duke na ndihmuar të kuptojmë se si antitrupat ndaj COVID-19 ndryshojnë me kalimin e kohës”, theksoi sekretari i Shtetit për Shëndetësinë, James Bethell.

/ata/