Kthimi i fëmijëve nga kampi Al-Hawl, Lleshaj: Kemi kontaktuar 23 fëmijë, situata është e vështirë

Ministri i brendshëm Sandër Lleshaj i ftuar në studion e OPEN u shpreh se prej një viti është punuar për të sjellë fëmijët shqiptarë nga kampi Al-Hawl në Shqipëri.

“Kemi arritur të kontaktojmë me 23 fëmijë në kampin Al-Hawl por vetëm pesë prej tyre kemi kthyer. Ka qenë një operacion i vështirë.

Ka zgjatur prej një viti. Faza e dytë është riatdhesimi i grupit tjetër që janë kontaktuar nga grupet tona në terren.

Kemi prej një muaj që një grup i policisë së shtetit ka vepruar në terren. Kan taktuar fëmijët, familjarët e tyre. Presim që në ditët e ardhshme të finalizojmë këtë proces.”, tha Lleshaj.

Ministri tha se fëmijët janë shumë të trishtuar. Janë të urtë sepse janë rritur në tutel të tmerrshme. “Janë rritur në tutel të tmerrshme. Ata kanë nevojë për trajtim të specializuar që fillon me kontrollin shëndetësor, psikologjik dhe më pas do të integrohen ngadalë.”

LEXO EDHE  Skandal/Rama nuk paguan Beketin, Arbitrazhi konfiskon pasuritë e Shqipërisë në botë

Foli edhe për Eva Dumanin për të cilin kryeministri tha se situata është më e komplikuar.

Ministri tha se ka informacione të sakta për të, është në gjendje të mirë shëndetësore. Ai tha se ata nuk lejohen të dalin prej aty.

Lleshaj tha se nuk beson që fëmijët bëjnë rezistencë për t’u kthyer, ndërkohë shtoi se janë të rriturit ata që pranojnë të jetojnë në atë ferr. “Nuk mund të themi tha ai që Eva Dumani nuk do të kthehet, por kushtet në të cilat ajo ndodhet e bëjnë marrjen e një vendimi të tillë.”.

Lleshaj nuk pranoi të fliste me data të sakta për kthimin e grupit tjetër. Ai shtoi se informacioni që thuhet merret vesh shumë shpejt në kamp, kjo nga rrjetet sociale.