VIDEO/ Aksident në Milot, mjeti del nga rruga, plagosen rëndë dy persona

Një aksident ka ndodhur mëngjesin e sotëm në Milot, ku si pasojë kanë mbetur të plagosur rëndë dy persona.

Sipas të dhënave të para policore, të plagosurit janë shtetasit Zef Paloka dhe Erli Mëhilli. Mjeti me të cilin ata udhëtonin ka dalë nga rruga dhe është rrokullisur.

Dy të plagosurit pasi kanë marrë ndihmën e parë në spitalin e Laçit janë dërguar me urgjencë në spitalin e traumës në Tiranë.

Policia e Kurbinit po heton lidhur me shkaqet e aksidentit, ndërsa paraprakisht dyshohet se shkak është bërë shpejtësia me të cilën udhëtonte mjeti i dy të rinjve.