Xhirimet e klipit të ri të Dua Lipa-s janë ndërprerë dhe pezulluar nga policia pasi ajo dhe ekipi i saj nuk po zbatonin rregullat anti-Covid.
Artistja ka qenë në Shoreditch, Britani, në xhirime me një grup kërcimtarësh dhe anëtarët e stafit nuk kanë respektuar distancën fizike dhe qëndronin pa maskë.
Sipas The Sun qenë banorët e zonës që kanë nisur të shqetësohen nga euforia dhe zhurma që po krijonte grupi i Duas, ndërkohë që janë shprehur se këngëtarja është treguar e papërgjeshme.
“Njerëzit po respektojnë ligjin, kështu që të shihje hapur një yll të muzikës që po thyente rregullat, për ta nuk ishte e pranueshme. Prandaj thirrën policinë”.- tha një qytetar.
Për këtë artikull ka reaguar vetë këngëtarja Dua Lipa e cila e cila ka vendosur që të hedhë në gjyq gazetën britanike. Në një postim në Instastory, Dua shkruan se ka vendosur të hedh në gjyq një gazetë, për shkak të këtij lajmi.
“Një gazetë angleze (që nuk dua t’ia përmend emrin për publicitet), mbrëmjen e djeshme ka publikuar një lajm të pavërtetë, ku thuhet se unë kam thyer rregullat e Covid.
Avokatët e mi i kanë dërguar letër atyre, pasi është e turpshme që një “e përditshme” të shkruajë në këtë mënyrë, për të shitur lajmin, por pa ditur të vërtetën.”– shkruan Dua.
