Të tjera detaje janë zbuluar nga ngjarja e ndodhur në lagjen Dobraç të Shkodrës, ku janë plagosur dy persona, babë e bir.
Ata janë Xhelal dhe Mentor Hasanaj, njëri prej tyre funksionar në Bashkinë e Malsisë së Madhe.
“Në rrugën Shkodër-Koplik, në vendin e quajtur “5 heronjtë”, është plagosur me armë zjarri Shefi i Policise Bashkiake të Malësisë së Madhe M.Hasanaj”, raportojnë burime policore nga Shkodra. Raportohet se në drejtim të mjetit është qëlluar 7 herë.
Sipas burimeve ata ndodhen jashtë rrezikut per jetën.
Mësohet se ata janë qëlluar me armë zjarri nga një person që udhëtonte me motor. Nga të dhënat e para raportohet se atentatori ishte në ndjekje të makinës ku po udhëtonin babë e bir. Automjeti është pjesë e policisë së Malësisë së Madhe, ndërkohë që atentatori ka qëlluar në anën e drejtuesit të makinës.
Ngjarja raportohet se ka ndodhur në një zonë pa kamera, çka duket se gjithçka për identifikimin e autorit do të varet nga dëshmitë e të plagosurve.
