Propozimi i Bashës: Kush humbi punën nga pandemia, të marrë çek prej 16 mijë lekësh

Kreu i PD, Lulzim Basha, në një konferencë për shtyp, theksoi se asnjë shqiptar s’duhet lënë pas dore, por duhet të mbështetet nga qeveria, pasi prej 6 muajsh, vendi ynë po lëngon nga pandemia.

Lideri demokrat, tha se mbështetje kryesore duhet të kenë ata të cilët kanë humbur vendin e punës, duke theksuar se këta të fundit duhet të përfitojnë një çek mujor prej 16 mijë lekësh të reja në muaj, përveç pagës ligjore për papunësinë.

E gjithë kjo, sipas Bashës, duhet për një periudhë 6 mujore.

Më tej, Basha tha se krijimi i Fondit të Punësimit, duhet të mbështesë edhe bizneset, për të rimarrë në punë të larguarit gjatë pandemisë, duke i alokuar çdo punëdhënësi një shumë mujore prej prej 20 mijë lekësh të reja në muaj për një periudhë 6 mujore.

LEXO EDHE  Arrestohen 4 persona në Shkodër, ja çfarë ndodhi

Ky propozim, ishte një ndër 5 pikat e planit të porpozuara nga lideri demokrat, në kuadër të rimëkëmbjes nga pandemia.

LEXO EDHE: 

Nga mbështetja e mjekëve tek bizneset, Basha prezanton 5 pikat e planit për rimëkëmbjen nga pandemia

“Çek 1 000 euro për çdo biznes të vogël”, Basha: Çeqe me 2 mijë lekë edhe për pensionistët