Basha publikoi planin, Ahmetaj hap thesin/ Pagat e mjekëve 1200 euro, të infermierëve 700

Një konferencë për mediat e kreut demokrat Lulzim Basha, ku publikoi një plan me 5 pika, për përballimin e krizës ekonomike në vend, por edhe atë të pandemisë, ka detyruar Kryeministrin Edi Rama dhe ministrin e Rindërtimit, Arbn Ahmetaj, që të dalin bashkarisht dhe të nisin premtimet.

E ndërsa Basha tha se Qeveria duhet t´u japë mjekëve dhe infermierëve bonusin, përkatësisht 1000 dhe 500 euro, Ahmetaj ka zbuluar rritjen e pagës për punonjësit e shëndetësisë.

Ahmetaj tha se do të ketë një rritje deri në 1200 euro për mjekët dhe 700 euro për infermierët.

LEXO EDHE  Shembjet te Unaza e Madhe, nga nesër kufizohet hyrja në Tiranë nga Dogana, rrugët alternative

Rama deklaroi se javën tjetër do të bëhet e ditur shuma e akorduar për rritjen e pagave për mjekët, infermierët dhe mësuesit.

“Javën tjetër do kemi paketën përfundimtare për rritjen e pagës së mjekëve dhe infermierëve”, tha Rama.

Më parë Rama kishte premtuar një rritje pagash me 40 % për mjekë dhe infermierë, por edhe për mësuesit.