FOTO/ 68 mijë paund të padeklaruara, Policia e Rinasit i sekuestron paratë tunizianit

Policia Kufitare e Rinasit njofton se ka godetur një tjetër rast të mosdeklarimit të të hollave në kufi.

Sekuestrohen 67850 paund, ndërsa është proceduar penalisht nje 63-vjeçar nga Tunizia.

Shërbimet e Policisë Kufitare në Rinas, si rezultat i shtimit të kontrolleve, me qëllim parandalimin dhe goditjen e paligjshmërisë, bazuar dhe në analizën e riskut, në hyrje të RSH-së, kanë kaluar për kontroll në vijën e dytë, shtetasin J. D., 63 vjeç, lindur në Tunizi dhe banues në Angli.

LEXO EDHE  Grevistja në gjendje të rënduar, dërgohet me automjet privat në spital

Gjatë kontrollit të ushtruar, shtetasit të lartpërmendur, në çantën e tij të shpinës dhe në valixhe, shërbimet e Policisë Kufitare, i gjetën dhe sekuestruan në cilësinë e provës materiale 67 850 paund.

Në përfundim të veprimeve të para të kryera nga ana e seksionit të ZMP-së, shtetasi J. D. u procedua penalisht për veprën penale “Mosdeklarimi i të hollave dhe sendeve me vlerë në kufi”.