Bushati: Rama do i manipulojë zgjedhjet e 25 prillit njëlloj si ato në 26 maj 1996

Analisti Andi Bushati tha mbrëmjen e sotme se në 25 prill 2021 do të kemi një përsëritje të 26 majit 1996.

“Edi Rama do të bëjë gjithçka për të manipuluar zgjedhjet e ardhshme parlamentare, madje mund të them se do të kemi një përsëritje të 26 majit, jo me shkopat e Agim Shehut, por në mënyrë më të sofistikuar”, tha Bushati.

Në emisionin Open, ai akuzoi Kryeministrin Edi Rama se ka shkelur marrëveshjet e nënshkruara me opozitën.

LEXO EDHE  Tërmeti i fuqishëm në Turqi dhe Greqi shkakton 12 viktima, shkon mbi 400 numri i të lënduarve

Bushati tha se në marrëveshjen e 5 qershorit, në nenin 19 dhe 36, prezumohet se koalicionet do të vazhdonin të ishin ashtu sikundër janë bërë deri më tani.

“Ju e përdorët marrëveshjen e 5 qershorit si letër higjenike”, tha Bushati, duke iu drejtuar sekretarit të PS-së, Alfred Peza.

“Mirë e bëtë kur gjetët budallenj që firmosën me ju marrëveshje”, shtoi Bushati.