Emri/ Aksident me vdekje në Korçë, detajet nga ngjarja e rëndë

Një i moshuar, 70-vjeç, ka humbur jetën mëngjesin e sotëm, si pasojë e një aksidenti.

Ngjarja e rëndë ka ndodhur në rrugën Korçë-Bilisht, pranë fshatit Neviçisht.

Viktima është identifikuar si Hekuran Ramo. I moshuari po lëvizte në rrugë me kalë, kur është përplasur nga automjeti tip Volkswagen, me drejtues shtetasin, Ervin Gega.

Sipas të dhënave, i moshuari ka dalë me kalë nga rruga dytësore e fshatit në aksin nacional. Në momentin që ka dalë në mes të rrugës kafsha është trembur dhe është kthyer pas duke i dalë para një automjeti që po kalonte aty ndërsa si pasojë e përplasjes personi ka gjetur vdekjen e menjëhershme.

LEXO EDHE  COVID-19, Parlamenti çek voton për zgjatjen e gjendjes së jashtëzakonshme

“Më datë 23.09.2020, rreth orës 05:35, në aksin rrugor Korçë-Bilisht, në afërsi të fshatit Neviçisht, ka ndodhur një aksident, ku për pasojë shtetasi E. G., 27 vjeç, banues në fshatin Pojan, duke drejtuar mjetin tip “Volksëagen”, ka përplasur shtetasin H. R., rreth 70 vjeç, banues në fshatin Neviçisht, që lëvizte në rrugë me kalë, i cili ka gjetur vdekjen.

Drejtuesi i mjetit shtetasi E. G., u dërgua në Spital për kontroll mjekësor, me të cilin do të kryen veprimet e mëtejshme proceduriale”, thuhet në njoftimin e policisë.

Grupi hetimor po punon për zbardhjen e rrethanave dhe shkaqeve të aksidentit.