Një grupim i të përndjekurve politikë i kërkojnë kreut demokrat, Lulzim Basha, të përfshijë në listat e kandidatëve për deputetë përfaqësues të tyre.
Emrat e propozuar i janë dorëzuar Sekretarit të Përgjithshëm të Partisë Demokratike, Gazment Bardhi.
“Konventa kombëtare e Unionit Mbarëkombëtar të Integrimit të të Burgosurve dhe të Përndjekurve Politikë të Shqipërisë e mbledhur sot me datë 23 shtator 2020, si përfaqësuese e vetme dhe legjitime të së djathtës shqiptare me një veprimtari kombëtare në të gjithë Republikën e Shqipërisë, por edhe si një subjekt politik shoqëror që përfaqëson 100 mijë familjet e Përndjekura politike dhe pronarë të Republikës, e përfaqëson një elektorat i djathtë me 35%-40%, ka nderin dhe privilegjin t´ju drejtohet juve dhe Partisë që ka rrënjët te ky elektorat për kandidaturat në zgjedhjet e vitit 2021, nga kjo shtresë antikomuniste kombëtare, këto personalitet për deputete”, thuhet në shkresën e firmosur nga Besim Ndregjoni.
Ndër emrat që propozohen janë Alkta Agolli në Vlorë, Enida Cami dhe Ledia Fratari në Tiranë, Hamza Kazazi, Filip Arbnori dhe Azra Drangu në Shkodër, Edmond Zef Coku në Lezhë, Azgan Haklaj dhe Ardian Elezi në Kukës, Indrit Hoxha e Jani Gërnjoti në Korçë, Elvis Pollo dhe Ledian Ibrahimi në Gjirokastër, Agim Cani në Fier, Andi Mema, Altin Meçe dhe Safete Pojani në Elbasan, Adelajd Alllçi dhe Hysen Myshketa në Durrës, Sofie Kasemi, Besim Ndregjoni dhe Viola Kaloshi në Dibër, si dhe Bert Poçi dhe Namir Lapardhaja në Berat.
