Olayinka “nderon” Skënderbeun, sulmuesi kërkohet në Bungesligën gjermane për 10 milionë euro. Ja sa përfiton klubi korçar

Peter Olayinka kërkohet nga VFB Stuttgart në Bundesligë ndërsa klubi i tij aktual Slavia e Pragës kërkon 10 milionë euro për kartonin e tij.

Skuadra çeke pagoi 3.2 milionë euro dy vite më parë, ndërsa tani kërkon 3 fishin e kësaj shifre. Nga ky transferim mund të përfitojë Skënderbeu që ka ruajtur 15% të kartonit të Olayinkës e nëse kjo marrëveshje mbyllet me sukses, korçarët mund të përfitojnë deri në 800 mijë euro.

Një shifër e madhe dhe shumë e rëndësishme për arkat e klubit të Skënderbeu që do të mbyllet edhe çështjen e bllokimit të merkatos pasi disa prej ish-lojtarëve kërkojnë pagat e kjo ka bërë që FIFA të bllokoi merkaton hyrëse të korçarëve.