Dy shqiptarë janë arrestuar nga policia spanjolle, pas zbulimit të plantacioneve me marihuanë në një pyll në rajonin e Huescas.
Mediat spanjolle raportojnë se plantacioni kishte rreth 10 ton marijuanë.
Operacioni ka ndodhur në 5 gusht 2020 dhe hetimet janë në vazhdim. Policia kombëtare spanjolle ka nisur një operacion në shkallë vendi kundër kultivimit të narkotikëve në zonat pyjore, ndërsa mediat raportojnë për përfshirjen e grupeve kriminale shqiptare.
Huesca, një provincë në verilindje të Spanjës, është vendi ku ishte mbjellë një plantacion, i fshehur në një pyll në afërsi të Aguero, rreth 40 kilometra larg nga kryeqytetit.
Përveç dy shqiptarëve, policia spanjolle gjithashtu identifikoi edhe 5 të tjerë, që ishin rekrutuar për të punuar.
Ferma ishte e fshehur në pyllin me pisha. Aty ishin rritur 7,828 bimë marihuanë, me një peshë totale prej 9,5 tonë. Zona ishte pajisur me gomone dhe sisteme ujitjeje.
Siç raportohet nga Policia Kombëtare, kjo fermë ruhej përgjithmonë nga një shtetas me origjinë shqiptare, i cili u arrestua në vend. Përveç kësaj, një anëtar tjetër i organizatës, i cili ishte i ngarkuar me furnizimin dhe detyrat e infrastrukturës, u arrestua.
Mediat raportojnë se ky operacion ka bërë të mundur gjithashtu identifikimin e pesë shqiptarëve të tjerë që kjo organizatë e trafikut të drogës kishte rekrutuar në atë vend dhe transferuar në Spanjë për t’u kujdesur dhe monitoruar plantacione të ngjashme.
Ky është plantacioni i katërt i këtij lloji që është çmontuar deri më tani këtë vit nga Policia Krahinore e Huesca. Në total, 31,698 bimë janë shkatërruar, gjithsej 18.5 tonë marijuanë.
