Koronavirusi në Shqipëri, 2 viktima në 24 orët e fundit

Dy qytetarë nuk e kanë fituar betejën me Covid-19 në 24 orët e fundit, për një total prej 364 të vdekurish që nga fillimi i pandemisë në vendin tonë.

Bëhet fjalë për një 75-vjeçar nga Tirana dhe një 85-vjeçar nga Shkodra.

Aktualisht, në spitalin Infektiv dhe Shefqet Ndroqi, po marrin trajtim mjekësor 189 qytetarë, 16 prej tyre në terapi intensive ndërsa 5 prej tyre në intubim.

Në vendin tonë në 24 orët e fundit janë regjistruar 150 raste të reja me koronavirus nga 809 testime të kryera.

Njoftimi nga Ministria e Shëndetësisë

809 testime- Në 24 orët e fundit janë kryer 809 testime dhe janë konfirmuar 150 të prekur me virusin SARSCOV2.

Harta e të prekurve- 66 raste në Tiranë, 9 raste në Elbasan, 8 raste në Fier, 6 raste në Shkodër, Durrës, Kavajë, Vlorë, 5 raste në Korçë, Kukës, Gjirokastër, 3 raste në Lezhë, Mirëditë, Bulqizë, 2 raste në Lushnje, Mallakastër, Pogradec, Divjakë, Malësi e Madhe, Peqin, Kolonjë, 1 rast në Rrogozhinë, Berat, Librazhd, Sarandë, Gramsh.

LEXO EDHE  Korçë, pas konfirmimit me koronavirus të 7 mësuesve, rinis mësimi online

189 të shtruar- Aktualisht në spitalin Infektiv dhe “Shefqet Ndroqi” po trajtohen 189 pacientë, 16 në terapi intensive, nga të cilët 5 pacientë janë të intubuar.

2 viktima- Ju informojmë se në 24 orët e fundit, me gjithë përpjekjet e mjekëve, e kanë humbur betejën me COVID19 një 75 vjeçar nga Tirana dhe një 85 vjeçar nga Shkodra.

55 të shëruar- 55 qytetarë janë shëruar në 24 orët e fundit, duke e çuar në 6995 numrin e të shëruarve që nga fillimi i epidemisë.

COVID-19 – Statistika (21 Shtator 2020)
Testime totale 80539
Raste pozitive 12535
Raste të shëruara 6995
Raste Aktive 5176
Humbje jete 364 (Qarku Tiranë 174, Durrës 46, Shkodër 40, Elbasan 23, Fier 18, Korçë 17, Lezhë 15, Kukës 10, Dibër 8, Vlorë 7, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë 2550
Durrës 564
Shkodër 376
Lezhë 300
Elbasan 299
Korçë 245
Fier 236
Vlorë 191
Kukës 146
Berat 117
Dibër 76
Gjirokastër 76.