Arlind Qorri i Organizatës Politike tha mbrëmjen e sotme se një mandat i tretë i Edi Ramës si Kryeministër do të ishte katastrofë për vendin.
Qorri tha se problemi që ka Shqipëria është fakti se këtu pushtetin e kanë oligarkët.
“Përsa kohë do të kemi këtë sistem ekonomik dhe politik, këtu oligarkia do të kontrollojë sistemin. Oligarkët sot kanë lidhje në gjithë sistemin politik, kontrollojnë nëntokën dhe gjithçka”, tha Qorri.
Sipas tij, kjo është çështja që duhet të shqetësojë shqiptarët, pasi nuk është problemi që oligarkia kontrollon vetëm qeverinë, por gjithë sistemin politik dhe ekonomik.
