E pranishme në takimin e zhvilluar në Shkodër gjatë prezantimit të ngritjes së strukturave ‘Shqiponja’ në këtë qytet, kryetarja e Bashkisë së këtij qyteti, Voltana Ademi ka bërë thirrje që policia të ruajë funksionin e saj gjatë zgjedhjeve elektorale që do të mbahen më 25 prill 2021.
Ademi e ka bërë këtë thirrje në sy të Ministrit të Brendshëm, Sandër Lleshaj, edhe ky I pranishëm në këtë takim.
‘Policia duhet t’i qëndroj larg politikës. Jemi pranë zgjedhjeve elektorale, policia të luaj dhe ruaj funksionin e saj’, tha Ademi.
Sipas saj, Policia e shtetit është një nga institucionet më të rëndësishme në vend, ndërsa vuri theksin në besueshmërinë që duhet të ketë ajo te qytetarët.
“Ne kemi nevojë për efektivë profesionistë, larg politikës, që të ruajnë paanësinë dhe të respektojnë ligjin”, tha Ademi.
