Lufta ndaj korrupsionit mbetet një çështje e ndjeshme në vendin tonë, me qytetarët të cilët kërkojnë nga institucionet reagim të shpejt dhe efikas.
Lidhur me këtë problem, Kryetari i Kontrollit të Lartë të Shtetit Arben Shehu dhe Drejtori i Shërbimit Informativ të Shtetit Helidon Bendo zhvilluan sot një takim në ambientet e drejtorisë së Përgjithshme të SHISH.
Ky takim është hap i parë i një bashkëpunimi institucional mes dy institucioneve të rëndësishme në vend, bënë me dije burime zyrtare nga KLSH.
“Dy drejtuesit shprehën vullnetin maksimal për bashkëpunim dhe koordinim të punëve, në funksion të luftës ndaj korrupsionit. KLSH për Auditimet me profesionalizëm dhe SHISH në dhënien e informacionit për rastet abuzive, si ndaj punonjësve të KLSH dhe në rastet të tjera në administratë. Shehu dhe Bendo shprehën besimin se rezultatet konkrete të këtij takimi do të jenë në një kohë shumë të afërt”, thuhet në një njoftim të KLSH-së.