Kërcënoi me sopatë të moshuarit dhe u vodhi paratë, arrestohet 47-vjeçari/ Detajet

Një 47-vjeçar u arrestua nga policia e Fierit me dyshimin se është autor i grabitjes me dhunë të parave të dy të moshuarve. Ngjarja ka ndodhur gjatë orëve të natës në fshatin Pishë të Fierit, ndërsa i arrestuari është Pajtim Dhame.

Në një njoftim zyrtar, policia tha se sekuestroi edhe shumën e parave të vjedhura si dhe një sopatë me të cilën autori kërcënoi çiftin e të moshuarëve.

Mësohet se autori i ka marrë të moshuarve nën kërcënimin e sopatës 154 mijë lekë të vjetra.

“Shërbimet e Komisariatit të Policisë Fier pas telefonatës së marrë rreth orës 23:00, se në fshatin Pishë të Fierit kishte ndodhur një vjedhje me dhunë, menjëherë kanë shkuar në vendngjarje së bashku me grupin hetimor.

Falë profesionalizmit dhe reagimit në kohë, policia bëri të mundur identifikimin e autorit dhe pas disa orë ndjekjeje dhe kërkimesh bëri të mundur lokalizimin, kapjen dhe arrestimin në flagrancë të shtetasit P. Dh., 47 vjeç, banues në Pishë.

LEXO EDHE  Dyshohet se vrau një mësuese në parkun e Londrës, arrestohet 38-vjeçari shqiptar (EMRI)

Gjithashtu shërbimet e Policisë kanë sekuestruar në cilësinë e provës materiale paratë dhe mjetin prerës sopatë”, tha policia.

Nga veprimet e para hetimore te kryera nga Specialistët për Hetimin e Krimeve në Komisariatin e Policisë Fier, rezultoi se ky shtetas, rreth orës 23:00 të një natë më parë, është futur me forcë duke thyer derën e banesës së shtetasit V. P., 70 vjeç, dhe nën kërcënimin e një arme të ftohtë (sopatë) ka arritur të marrë me dhunë 30 mijë lekë të reja dhe më pas është larguar.

Materialet do i kalojnë Prokurorisë pranë Gjykatës së Shkallës së Parë Fier për veprat penale “Vjedhje me dhunë” dhe “Mbajtja pa leje e armëve të ftohta”.