Policia e Tiranës ka proceduar penalisht sërish 15 shtetas në lidhje me protestën e zhvilluar në kryeqytet, duke i akuzuar për organizim dhe manifestime të paligjshme, prishje të rendit dhe qetësisë publike, si dhe pengim të qarkullimit të mjeteve të transportit.
Dy prej tyre, Franc Koruni dhe Lorela Garuli, kanë reaguar me një video nga protesta ku bëjnë të ditur se janë proceduar nga policia pa asnjë shpjegim dhe në kundërshtim me ligjin. Madje ata tregojnë se u janë sekuesteuar makina dhe dy celularët tyre pa asnjë urdhër Prokurorie.
Ata theksojnë se nga ana e policisë nuk u është dhënë asnjë procesverbal dhe shtojnë se pyetjet e bëra nga ata kishin lidhje vetëm me: “Kush e organizon protestën, a keni Instagram, etj”.
“Kontroll i jashtëzakonshëm nga 10-15 policë! Duan të na intimidojnë”- theksojnë ata.
