Kërcënoi dy zyrtarë të Agjencisë Kombëtare të Bregdetit, arrestohet 39-vjeçari

Policia e Vlorës ka vënë në pranga një 39 vjeçar, i cili kanosi me armë zjarri dy zyrtarëve të Agjencisë Kombëtare të Bregdetit.

Sipas uniformave blu bëhet me dije se ngjarja ka ndodhur dy ditë më parë në zonën e Radhimës.

“Policia e Vlorës ka ndaluar një 39-vjeçar të akuzuar për kanosjen e dy zyrtarëve të Agjencisë Kombëtare të Bregdetit, ngjarje e ndodhur dy ditë më parë në Radhimë.

LEXO EDHE  A do të largohet nga posti i ministrit të Brendshëm? Ja versioni i ri i Lleshajt

Sipas burimeve zyrtare, policia ka ndaluar shtetasin E. A. (Z.), 39 vjeç, banues në Vlorë, për veprën penale “Kanosja për shkak të detyrës”, pasi më datë 11.08.2020, në zonën e Radhimës, dyshohet se ka kanosur me armë zjarri dy punonjës të Agjencisë Kombëtare të Bregdetit, për shkak të detyrës”, thuhet në njoftimin e policisë.