Ndëshkohet me 1 milion lekë gjobë administratori i një lokali në Fushë-Krujë, pasi organizoi dasmë në kundërshtim me Aktin Normativ, duke mos respektuar distancën e sigurisë midis personave.
Gjithashtu policia bën me dije se është arrestuar një 59-vjeçar për veprën penale “Prodhimi dhe shitja e narkotikëve”, ndërsa janë vënë në pranga edhe dy drejtues mjetesh pasi drejtonin mjetin pa targa dhe në gjendje të dehur.
Njoftimi zyrtar
Organizoi dasmë në kundërshtim me Aktin Normativ, ndëshkohet me 1 milion lekë gjobë administratori i një lokali në Fushë Krujë.
Arrestohet në flagrancë një 59-vjeçar, për veprën penale “Prodhimi dhe shitja e narkotikëve”.
Vihen në pranga dhe 2 drejtues mjetesh.
Shërbimet e Policisë në Komisariatin e Policisë Krujë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në Fushë Krujë, një lokal që kishte organizuar dasmë në kundërshtim me Aktin Normativ, duke mos respektuar distancën e sigurisë midis personave. Për këtë subjekt me administrator shtetasin I. T., shërbimet e Policisë kanë vendosur masën administrative 1.000.000 lekë.
