Skulptori i njohur humbi jetën nga Covid-19, ministrja e Ramës: Ditë e trishtë

Ministrja e Kulturës, Elva Margariti, ka reaguar për ndarjen nga jeta të skulptorit të njohur Arben Bajo.

Bajo humbi jetën nga COVID-19 mëngjesin e sotëm, ndërsa lajmi u konfirmua nga miqtë e tij në rrjetin social.

“Me shumë gjasë në studio të ka mbetur një punë e papërfunduar. Ishe në kulmin e krijimtarisë tënde dhe është e pabesueshme, që nuk do të kthehesh më aty…

LEXO EDHE  ‘Dëgjova shumë zhurmë ...’/ Makina që mori flakë në Durrës ishte e vëllait të ish-Presidentit

Një ditë kaq e trishtë sot!

Kemi një artist më pak..

Arben Bajo, ky mjeshtër i skulpturës, i mprehtë, zbërthyes karakteresh…. u nda prej nesh.

A mundet të të themi lamtumirë kaq herët!?

U prehsh në paqe!

Kujtimi dhe vepra jote do të jetë gjithnjë mes nesh!”, shkruan Margariti.