Organizoi dasëm, gjobitet me 1 mln lekë pronari i lokalit

Pronari i një lokali në Shijak është gjobitur me 1 milion lekë, pasi organizoi dasma në biznesin e tij, në kundërshtim me Aktin Normativ.

Policia, në vijim të kontrolleve të ushtruara në subjekte të ndryshme, kanë evidentuar në fshatin Sallmone, Shijak, një lokal që kishte organizuar dasmë në kundërshtim me Aktin Normativ, duke mos respektuar distancën e sigurisë midis personave.

Njoftimi i plotë:

Policia e Durrësit ka ndëshkuar me masë administrative 1 milion lekë, pronarin e një lokali, pasi organizoi dasmë në kundërshtim me Aktin Normativ.

LEXO EDHE  "600 mijë lekë për të prekurit me COVID që s’janë të shtruar në spital"/ Propozimi i Bashës

Shërbimet e Policisë në Komisariatin e Policisë Shijak, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në fshatin Sallmone, Shijak, një lokal që kishte organizuar dasmë në kundërshtim me Aktin Normativ, duke mos respektuar distancën e sigurisë midis personave. Për këtë subjekt me pronar shtetasin Sh.Ç., shërbimet e Policisë kanë vendosur masë administrative 1.000.000 lekë.