Basha mbledh Kryesinë dhe Këshillin Kombëtar të PD/ Ja çfarë pritet të formalizohet

Partia Demokratike zyrtarizon nesër ngritjen e Komisionit të Vlerësimit të Kandidatëve, ndërsa është përmbyllur faza e parë e procesit mbi emrat që janë propozuar nga baza për të qenë pjesë e listave të kandidatëve për deputet dhe kryebashkiak në zgjedhjet e ardhshme.

Kreu demokrat Lulzim Basha ka thirrur mbledhjen e Kryesisë dhe Këshillit Kombëtar të PD ku pritet të formalizojë ngritjen dhe vënien në funksion të Komisionit, i cili do të vlerësojë kandidaturat e propozuara. Mësohet se janë mbi 2 mijë emra të propozuar nga strukturat në bazë, të cilët do të kalojnë në një filtër lidhur me përmbushjen e kritereve.

Komisioni i Vlerësimit të Kandidatëve do të ketë në përbërje 5 anëtarë dhe dy ndihmës. Deri më tani janë raportuar emrat e Genc Rulit, ish-deputet dhe ish-ministër, si dhe Besnik Mustafaj, ish-deputet dhe ish-ministër. Ndërkohë modeli që do të aplikohet është ai i koservatorëve britanikë, por i ndërthurur edhe me atë të CDU dhe Republikanëve amerikanë.

LEXO EDHE  Meta dekreton 4 ligje të miratuara nga parlamenti

Komisioni pritet të ketë në përbërje edhe përfaqësues nga shoqëria civile apo media, ndërsa ai pritet të bëjë vlerësimin e çdo kandidati, nëse përmbush apo jo kriteret e parashikuara me detaje në udhëzimin për funksionimin e procesit. K

Nga procesi 6 javor i propozimit të emrave, janë identifikuar një numër i lartë kandidatësh në të 12 qarqet, ku bien në sy se, krahas emrave të njohur, ka shumë emra jashtë strukturave të partisë, kryesisht nga bota akademike dhe shoqëria civile.

Zyrtarisht PD nuk ka dhënë detaje mbi emrat e propozuar, apo numrin e kandidatëve që do të merren në shqyrtim lidhur me përmbushjen e kritereve.