Monika Kryemadhi, kryetare e LSI, ka reaguar pas ndryshimeve Kushtetuese të miratuara nga Parlamenti me 106 vota pro, ndërsa theksoi se sot Edi Rama i hapi më shumë gropën vetes.
Pas takimit me drejtues të partive opozitare, që u zhvillua në selinë e PD-së, Kryemadhi tha se Edi Rama vendosi sot izolimin e Shqipërisë.
“Do vijojmë të jemi pjesë e Këshillit Politik. Kjo nuk është beteja jonë, por e të gjithë shqiptarëve”, tha Kryemadhi, duke shtuar se tashmë po çahet edhe guri nga urrejtja për Edi Ramën.
“Opozita e bashkuar do të marrë 100 deputetë.
Vendimet që sot ka bërë Edi Rama në Parlament do u heqin të drejtën e lëvizjes së lirë shqiptarëve, do bëhen viktima të trafikimit të vizave dhe në emër të Covid do vijojmë të jemi të izoluar.
Ndaj beteja jonë nuk është më betejë koalicionesh, por ta di se me këtë fundosi veten e tij po i bëri nder të djathtës, për të bashkuar shqiptarët. Dhe po ju them rasti më i mirë i PS do jetë me 40 deputetë”, u shpreh Kryemadhi.
