57-vjeçari me tre persona të sëmurë në familje gjendet mes katër rrugëve në Roskovec. ‘Bashkia me në krye Majlinda Bufin më ka prishur shtëpinë. Më ngarkoi një hall më shumë mbi kurriz’.
Ky është një denoncim i ardhur në redaksinë e BoldNews.al nga Namik Driza 57-vjeç. Ai shprehet se Bashkia i ka prishur shtëpinë, pa ndonjë arsye.
Më tej, ai shprehet se edhe pse shtëpia e tij ishte me dokumenta të rregullta, Bashkia nuk e kurseu masakrën.
Driza shton se dy motrat dhe nëna e tij, janë me probleme mendore ndërsa askush nuk i ndihmon.
Për BoldNews.al, ai ka sjellë edhe disa pamje nga rrënojat që kanë mbetur ndërsa shton se po fle në qiell të hapur dhe kërkon ndihmë.
Denoncimi i plotë:
Une që po shkruaj quhem Namik Driza nga Roskoveci. Jam 57 vjec. Kryetarja e Bashkisë Roskovec më ka prishur shtëpinë dhe më ka lënë në mes të katër rrugëve.
Në familjne kam 3 veta të sëmure. Dy motrat dhe nëna ime, janë të sëmura me të meta mendore. Kanë çrregullime mendore. Majlinda Bufi më ngarkoi dhe këtë hall në kurriz. Më prishi shtëpinë. Më la pa shtëpi. Shtëpinë e kam me leje dhe me dokumenta. Ma ka dhënë Ylli Kola me vendim të këshillit bashkiak.
Sot që flas po fle mbi rrënojat e shtëpisë që më prishi Majlinda Bufi. Jam pa mbështetje. Pa mbrojtje. Kërkoj ndihmë nga ju si media. Hajde shikojeni gjendjen sesi jetojmë. Shikoni dhe pamjet dhe ju lutem publikojeni se po fle në qiell të hapur. Kam nevojë për ndihmë.
