Sergio Perez është futur në karantinë pas një testimi për coronavirus që nxori një rezultat “jo përfundimtar” përpara Çmimit të Madh të Britanisë së Madhe që do të zhvillohet këtë fundjavë.
Meksikani i është nënshtruar një testimi të dytë për të kuptuar nëse do të marrë pjesë apo jo në garën që do të zhvillohet në Silverstone.
Aktualisht, meksikani renditet i gjashti në klasifikimin e përgjithshëm. Nëse do të dalë pozitiv dhe nuk do të marrë pjesë në garë, Perez do të zëvendësohet nga pilotët rezervë të Mercedesit: Stoffel Vandoorne dhe Esteban Gutiérrez.
Mercedesi ndan pilotët e tij rezervë edhe me McLaren, përveçse me Racing Point.
