Kukësi e mbyll sezonin si nënkampion, Vllaznia-Flamurtari mbyllet në barazim

Janë mbyllur dy sfidat e para të javës së fundit në Superiore, sfida që u luajtën në Gjirokastër dhe në Shkodër. Luftëtari priti ekipin e Kukësit, me verilindorët që në fund triumfuan me rezultatin e thellë 2-5.

Limaj shënoi që në minutën e pestë, ndërsa Shkurtaj dyfishoi në pjesën e parë (29’). Lika dhe Haxhiu barazuan në 2-2 shifrat për Luftëtarin në vetëm tre minuta (47’ 50’), por më pas djemtë e Shehit treguan supermacinë, duke shënuar dhe tre herë të tjera, me anë të Shkurtajt, Fluturim Domit dhe Kristal Abazaj.

LEXO EDHE  Nuk ka humbur asnjë derbi, Jasir Asani: Partizanit i ka munguar vetëm goli, ju tregoj rezultatin e saktë ndaj Tiranës

Të dyja skuadrat, e mbyllën takimin me nga 10 futbollistë, me Alinanin që u ndëshkua për Luftëtarin dhe Limajn për Kukësin.

Ndërsa takimi i luajtur në Shkodër mes Vllaznisë dhe Flamurtarit, u mbyll i barabartë 1-1. Sidorenco shënoi në minutën e 64-ët për kuqeblutë shkodranë, ndërsa 10 minuta më pas, Diamanti barazoi për Flamurtarin, duke vendosur rezultatin final të sfidës në 1-1.