Kryeministri Edi Rama ka reaguar sot lidhur me arrestimin e 22 komisionerëve në lidhje me atë që njihet si dosja 339, dhe që ka të bëjë me manipulimin e zgjedhjeve në Durrës në vitin 2017.
Rama në një postim në rrjet shkruan se 14 prej të arrestuarve ishin komisionerë të PD/LSI dhe 8 të PS. Sipas tij, kjo është një arsye më shumë sepse duhen depolitizuar komisionet zgjedhore.
“Arrestimi i komisionerëve politikë të dosjes së famshme të Dibrës, nxjerr në pah psenë e domosdoshmërisë së depolitizimit të administratës zgjedhore! 14 të pandehur të PDLSI dhe 8 të PS janë prova se kush bërtet më shumë e nuk do depolitizim, i ka duart të zhytura thellë në llum!
Për mua janë 22 individë të gabuar, në vendin e gabuar dhe detyrën e gabuar,që duhet të shërbejnë si shembull i padiskutueshëm për largimin përfundimtar të partive politike nga komisionet e zgjedhjeve! Le të vendosë drejtësia për ta pa dallim dhe mësimi për ne është: DEPOLITIZIM!”, shkruan Rama.
