Rreth 500 punëtorë në një fermë të madhe në shtetin gjerman të Bavarisë janë izoluar në karantinë pasi 174 fermerë u testuan pozitivë për koronovirusin.
Autoritetet kontrolluan fermën në Mamming, në veri-lindje të Mynihut, pasi shtatë punëtorë të sektorit të korrjes u sëmurën dhe kishin shenja të Covid-19.
“Për të shmangur përhapjen e mëtejshme, ne për fat të keq duhet të ndërmarrim këtë hap për të mbrojtur popullsinë,” tha administratori i distriktit, Werner Bumeser.
Politikanët i bënë thirrje komunitetit lokal të qëndrojë i qetë, duke thënë se shpërthimi nuk besohet të ishte përhapur jashtë fermës. Një ekip sigurie po monitoron karantinën.
Gjermania ka parë disa shpërthime të lokalizuara të virusit muajt e fundit. Në qershor, më shumë se 1.500 punëtorë u testuan pozitivë në një fabrikë për paketimin e mishit.
Bavaria ishte ndër rajonet më të goditura të Gjermanisë në fillimin e pandemisë.
