Epidemiologu i njohur Ilir Alimehmeti në një analizë të publikuar në rrjetet sociale analizon shifrat mbi koronavirusin në Shqipëri, ndërsa thekson se antitrupat tregojnë gjithmonë të vërtetën.
Referuar shifrave zyrtare, por edhe studimit të Akademisë së Shkencave, sipas të cilit në Tiranë kanë krijuar anti-trupa 6-7 %, Alimehmeti përllogarit se vdekshmëria nga Covid-19 është në shifrat 0.001 %.
“Nga rastet që kanë pasur një përfundim (shërim apo vdekje), në total 1106, fatkeqësisht 53 nuk kanë mbijetuar.
Si rrjedhojë, vdekshmëria në sy të parë është 53/1106 = 4.8%.
E tmerrshme, apo jo?
Por tani dimë që rastet nuk ishin 1106 por 50.579 – 59.009.
Pra vdekshmëria shkon nga 53/59.009 = 0,0009% deri në 53/50579 = 0.001%.
0.001% miqtë e mi! 0.001%!
Po tani? Si ju duket? 48 fish më e ulët, apo jo?”, shkruan epidemiologu i njohur.
Analiza nga Ilir Alimehmeti
❗“Ndershmëria është më shumë se sa mosthënia e gënjeshtrave.
Është të tregosh të vërtetën, të thuash të vërtetën, të jetosh të vërtetën dhe të dashurosh të vërtetën”
Cit. James E. Faust
👍 Dhe antitrupat tregojnë gjithmonë të vërtetën miqtë e mi!
🇦🇱 Tregojnë të vërtetën edhe në Shqipëri, sado e pabesueshme të duket!
✅ Kujtoj që në testimin serologjik të personelit shëndetësor në QSUT, rreth 7% kishin antitrupat, pra kishin qenë të ekspozuar ndaj virusit.
👉 Vetëm duke u nisur nga kjo shifër dhe nga fakti që spitalet kanë qenë të izoluara në muajt mars, prill dhe maj, u mendua se kjo shifër reflekton qartë përqindjen e ekspozimit të virusit në komunitet.
👉 Pra, edhe në komunitetin e zonës së Tiranës rreth 7% duhet të ishin tashmë të ekspozuar ndaj virusit.
✅ Kjo rezulton e vërtetë në studimin e aprovuar nga Akademia e Shkencave të Shqipërisë dhe e udhëhequr nga dy profesorë të mirënjohur Prof. Genc Sulçebe dhe Prof. Alban Ylli.👏👏👏
👉 Sipas këtij studimi, 6 deri në 7% e popullatës së Tiranës shfaq antitrupat.
❓Çfarë do të thotë kjo? Shumë gjëra:
👉 Së pari, sipas burimeve zyrtare, në qarkun e Tiranës janë identifikuar 1.903 raste me COVID-19, nga të cilët 1.063 janë shëruar, 53 kanë vdekur dhe 787 janë raste aktive.
👉 Por, në qarkun Tiranë jetojnë 842.981 qytetarë (INSTAT 2020), nga të cilët, nëse të dhënat janë të përgjithësueshme, duhet ta kenë kaluar sëmundjen 50.579 – 59.009 persona.
👉 Hetimi epidemiologjik, si në çdo shtet, ka gjetur vetëm një fraksion të këtyre rasteve. Si rregull, rastet aktive nuk duhen përfshirë pasi nuk kanë zhvilluar ende antitrupa, pra në të njëjtën periudhë 1106 persona janë identifikuar me COVID-19, ose 1.106/842.981 = 0.13%.
👉 Pra hetimi epidemiologjik ka zbuluar vetëm 1 rast ndër 46-53 raste, ose 1.87-2.19% të rasteve, ngjashmërisht me vlerat e Lombardisë në Itali. Asnjë çudi!
❓ Së dyti, çfarë do të thotë kjo për vdekshmërinë?
👉 Nga rastet që kanë pasur një përfundim (shërim apo vdekje), në total 1106, fatkeqësisht 53 nuk kanë mbijetuar.
👉 Si rrjedhojë, vdekshmëria në sy të parë është 53/1106 = 4.8%.
😱 E tmerrshme, apo jo?😱
✅ Por tani dime qe rastet nuk ishin 1106 por 50.579 – 59.009.
👉 Pra vdekshmëria shkon nga 53/59.009 = 0,0009% deri në 53/50579 = 0.001%.
🤯 0.001% miqtë e mi! 0.001%! 🤯
❓ Po tani? Si ju duket? 48 fish mè e ulèt, apo jo?
🚫 Kujdes: Raporti zyrtar shkencor ende nuk është në dispozicion nga Akademia e Shkencave. Kur të botohet mund të ketë edhe ridimensionime të këtyre shifrave.
Ndërkohë ridimensiononi sjelljen tuaj!
✅PANIK JO! KUJDES PO! VAZHDOJMË RESPEKTOJMË MASAT!
✅Distancë 1.5-2 metra minimumi!
✅Higjienë e rregullt!
✅Maskë në ambiente të brendshme!
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
