Situata në dy spitalet Covid-19 në Shqipëri, përkatësisht Infektiv dhe “Shefqet Ndroqi” paraqitet e rënduar, referuar shifrave zyrtare të Ministrisë së Shëndetësisë.
Gjendja e pacientëve referuar të dhënave është e rënduar pasi 12 pacientë ndodhen në intubim, shifra më e lartë që prej shfaqjes së pandemisë në Shqipëri, dhe 22 janë në terapi intensive..
Aktualisht në spitalin Infektiv dhe spitalin ‘Shefqet Ndroqi’ po trajtohen 126 pacientë.
Gjatë 24 orëve të fundit janë kryer 477 testime për të dyshuar të prekur me COVID19, nga të cilat janë konfirmuar 108 raste pozitive.
Shpërndarja gjeografike e rasteve është si vijon: 49 raste në Tiranë, nga 11 raste në Durrës, Kavajë, 9 në Fier, 7 në Shkodër, nga 3 raste në Krujë, Kurbin, Tropojë, Berat, Mallakastër, 2 në Peqin, nga 1 rast në Korçë, Vlorë, Tepelenë, Shijak’, thuhet në njoftimin e Ministrisë së Shëndetësisë.
