Ambasadorja amerikane Yuri Kim, ka përshëndetur miratimin në Kuvend ditën e sotme të marrëveshjes së 5 qershorit.
Në një postim në twitter, ambasadorja amerikane shkruan se marrëveshja e qershorit tani është ligj.
“Përfshirja dhe transparenca duhet të jenë norma për veprim domethënës kombëtar. Gjë e mirë që Këshilli Politik u rimblodh për të marrë në konsideratë masa shtesë përtej 5 qershorit. Të gjitha partitë duhet të marrin pjesë në mirëbesim, të vazhdojnë përfshirjen dhe transparencën”, shkruan diplomatja.
Më herët ambasada amerikane përmes një deklarate u shpreh se Shtetet e Bashkuara mirëpresin miratimin nga Parlamenti të legjislacionit për reformën zgjedhore që kodifikon marrëveshjen e 5 qershorit të Këshillit Politik për Reformën Zgjedhore.
“5 qershori”/ Ambasada amerikane: Mirëpresim diskutimet për reforma të mëtejshme zgjedhore
