Kreu demokrat Lulzim Basha ka akuzuar Kryeministrin Edi Rama se po provon çdo lojë të pistë politike për të hequr vëmendjen nga dështimi i tmerrshëm në menaxhimin e pandemisë dhe nga kriza ekonomike, që shqiptarët po e vuajnë çdo ditë dhe që po zbraz xhepat e tyre.
Basha shkruan në rrjetet sociale se sot gjatë bisedës që zhvilloi me punonjës të një fasonerie në zonën e Kombinatit, foli për planin se si të dalim nga kjo krizë e thellë dhe të shpëtojmë ekonominë dhe shëndetin e njerëzve.
“Ne nuk luajmë lojëra politike, ne po punojmë çdo ditë për nxjerrjen e vendit nga kriza ku e ka zhytur RAMAVIRUSI”, shkruan Basha.
