KLP emëron prokurorin e 13 të SPAK/ Ja kush është prokurorja me mandat 9-vjeçar

Këshilli i Lartë i Prokurorisë ka vendosur unanimisht emërimin si prokuror në Prokurorinë e Posaçme Kundër Korrupsionit dhe krimit të Organizuar (SPAK) të prokurores Manjola Kajana, e cila do të ketë një mandat 9 (nëntë) vjeçar pa të drejtë riemërimi.

Me emërimin e saj, SPAK ka aktualisht në strukturën e tij 13 prokurorë nga lista e 15 prokurorëve të zgjedhur nga KLP.

Kreu i KLP-së, Gent Ibrahimi, i bëri edhe një herë thirrje organeve të Vettingut për të përshpejtuar afatet për verifikimin e figurës, pasurisë dhe aftësive profesionale për dy prokurorët e mbetur, Anton Martini dhe Elizabeta Imeraj, pjesë e listës së sipërpërmendur.

LEXO EDHE  Pas vendimit për Skenderbeun, UEFA: Luftë ndeshjeve të fiksuara, u hodhën poshtë pretendimet

Ditën e nesërme, e martë 14 korrik 2020, pritet të zhvillohet edhe ceremonia e betimit përpara Presidentit të Republikës së Shqipërisë, zotit Ilir Meta.