117 raste me Covid-19 në 24 orë, Vasili: Rritja 400 %, rast unikal. Nuk ka lidhje me hapjen

Ministria e Shëndetësisë deklaroi sot zbulimin e 117 rasteve të reja me koronavirus në 24 orët e fundit, shifra më e lartë që prej shfaqjes së pandemisë në Shqipëri.

Nga 117 rastet, 41 janë në Tiranë, ndërsa Ministria deklaroi se ka përhapje komunitare në disa bashki.

Ndërkohë lidhur me situatën ka reaguar nënkryetari i LSI-së, Petrit Vasili, sipas të cilit pandemia po shkon në një rrugë të cilën nuk do donte askush ta shikonte të tillë.

“Duke krahasuar me pikun e pandemisë 28 raste të arritur në prill disa muaj më parë, kemi një rritje me 400% të rasteve.

Është shumë e qartë që e gjithë mënyra sesi është administruar kjo pandemi që nga fillimi ka qenë e gjitha mbi spontanitetin, mbi mosmarrjen e masave efektive, mbi mosvlerësimin e atyre hapave të domosdoshwm, të cilat bëjnë të mundur që të kesh një situatë në kontroll dhe të kesh mundësi të dalësh me sukses prej saj dhe një seri mosveprimesh të rënda siç ishte mostestimi, mospërdorimi i maskave pasi në fillim qw vetë kryeministri i vendit që tha që maskat nuk duhen përdorur, mossigurimi i aspiratorëve në kohë, përqëndrimi i gjithë problematikës vetëm tek numri 127, mosaktivizimi i mjekëve të shëndetit parësor, mjekëve të familjes, pra një armatë e shpërndarë në gjithë vendin për të pasur sa më parë në evidencë situatën.

Dhe mbi të gjitha mospajisja gjerësisht e mjeteve mbrojtëse e strukturave mbrojtësë spitalore dhe parësore pasi vija e parë e zjarrit ndodhet atje ku është kontakti i parë me të sëmurin, e ku vija fundore, sigurisht ku beteja bëhet mjaft më e fortë është pikërisht në spital, u ngatërruan me njëra-tjetrën dhe mjekët që janë në vijën e parë në kontaktin e parë mbetwn tërësisht të pambrojtur derisa u sugjeruan dhe banalitete të tjera, duke prerë çarçafë në vend të maskave dhe duke diziinfektuar duart me raki. Kjo situatë dhe ky spontanitet, papërgjegjshmëri ka bërë pikërisht këtë situatë të re”, tha Vasili.

Sipas tij, nuk është e vërtetë dhe nuk ka asnjë të dhënë shkencore dhe profesionale që të mbështesë faktin që meqenëse Shqipëria filloi hapjen, ndaj dhe rastet u shtuan.

“Shqiptarët kanë sy dhe veshë, shikojnë fare mirë sesi u hapën shtete që kishin mijëra raste në ditë, siç ishte Italia fqinje, Spanja, Gjermania me numra të frikshëm, por asnjë shqiptar nuk ka parë që nga 9-10 mijë raste në ditë që kishte Italia pas hapjes të kishte 40 mijë, 4 fish siç ndodh në Shqipëri. Ka ndodhur e kundërta.

LEXO EDHE  Arrestimet e reja për sulmin ndaj hotelit në Tushemisht/ Ku fshiheshin autorët, një prej tyre i përfshirë në “masakrën e Lushnjes” (VIDEO)

Gjermania që kishte mijëra raste në ditë dhe mjaft viktima, sot ka rreth 140 raste, gati sa Shqipëria dhe vetëm një humbje jete, në një shtet me më shumë se 80 milion banorë. Po e njëjta gjë në Spanjë, anë e mbanë globit. Sigurisht testimi i gjerë në ato vende, marrja e masave efektive, krijojnë mundësinë se cila ishte kurba, ecuria e këtij fenomeni me ngjitjen maksimale dhe daljen e natyrshme, që ndodhte pikërisht kur rastet fillonin të ralloheshin. Pra qeveria ka bërë gabime shumë të rënda që për fat të keq po i paguajmë edhe me jetë njerëzish. Vetëm dje ka pasur 4 viktima. Situata nuk mabn më. Duhen marrë masa të menjëhershme, në radhë të parë dhe mbi të gjitha, duke vendosur në eficencë të plotë të gjitha strukturat shëndetësore shqiptare, e cila duhet të jetë në alert”, theksoi ai.

Sipas Vasilit, infektimi i mjekëve dhe humbja e jetës së tyre është një dëshmi tronditëse që kjo masë nuk mund të presë më.

“Nuk ka se pse qeveria bën PPP dhe koncensione dhe të kursjeë mbjetet mbrojtëse ku edhe mjeku i fundit i qëndrës shëndetësore duhet të jetë i pajisur me maskën dhe disifektant.

Qeveria duhet të marrë menjëherë masat për subvencionimet e cmimit të e maskave në mënyrë që ato të blihen me cmiminin më të lirë të mundshëm dhe të arritshëm për të gjitha shtresat e popullatës. Sepse cdo njeri gëzon të drejten e madhe të shëndetit dhe nuk mundet që nje njeri që ka të ardhura të blejë maskën dhe një i varfër nuk mund ta blej atë për shkak se nuk mund të arrijë cmimin. Pra subvencionimin do të bënte përdorimin masiv te njerëzit e cila është një masë mbrojtëse efikase e provuar botërisht”, tha ai.