Ministrja e Shëndetësisë dhe Mbrojtjes Sociale, Ogerta Manastirliu ndau sot mesazhin ndërgjegjësues të mjekes Anila Godo, lidhur me mbajtjen e maskës në situatën e pandemisë së COVID-19.
Duke ndarë këtë mesazh, Manastirliu tha se “vendosja e maskës është ndër mënyrat më efikase për të frenuar përhapjen e virusit të rrezikshëm”.
“Ndër paqartësitë e shumta terapeutike e profilaktike, mbajtja e maskave duket më e sigurt dhe e provuar. Na kushton fare pak dhe na mbron shumë! Ju lutem le ta bëjmë një zakon të ditës mbajtjen e maskës”, u shpreh prof. Anila Godo.
