Ishulli Mikonos në Greqi duket se është kthyer në një varrezë droge. Trafikantët shqiptarë të drogës kanë kthyer Ftelian, pjesë e ishullit, në një vend ku kanë groposur sasi kokaine dhe hashashi.
Hetuesit e Prokurorisë së Antidrogës së Autoritetit Portual Mikonos në bashkëpunim me oficerët e policisë së Prokurorisë së Antidrogës në Selanik me një operacion në fushat e Ftelia dhe me ndihmën e qenve policorë, arrestuan pesë shqiptarë, tregtarë të drogës, që qendronin në Greqi në mënyrë të paligjshme.
Në mënyrë të veçantë, u sekuestrua 7598 kg kanabis, 20,2 kg kokainë, një pistoletë zastava 7.62 mm me dy plumba, tre peshore precize, tre telefona celularë, 3,935 euro dhe 40 dollarë.
Informacioni për veprimin e tyre kishte mbërritur disa ditë më parë në zyrat e oficerëve të Prokurorisë së Antidrogës të Autoritetit Portual të Mikonos.
“Burimi” thoshte se ata ishin pesë dhe në mënyrë të paligjshme, po fusnin sasi të mëdha droge, kryesisht kanabis, në ishull.
Tregtarët me shumicë të drogës, u vunë menjëherë nën mbikëqyrje dhe, siç rezultoi, ata kishin marrë me qira një shtëpi në zonën e Ftelia afër plazhit, një pronë me shumë hektarë.
Policia kaloi në fazën operative të planit, duke arrestuar shqiptarët dhe me ndihmën e qenit gjetën drogën e varrosur në tokë me kova.
Ajo që zyrtarët e Antidrogës të Autoritetit Portual Mikonos po përpiqen të bëjnë tani është të gjejnë përmes materialit që do të dalë nga analiza e tre telefonave, që po kontrollohen në detaje, se si shqiptarët lidheshin me klientët në këtë qark.
