Covid-19, humbasin jetën në Infektiv edhe 3 qytetar/ Shkon në 62 numri i viktimave

Tre persona kanë humbur jetën në 24 orët e fundit si pasojë e Covid-19. Sipas Ministrisë së Shëndetësisë, pacientët që kanë humbur jetën janë një 44 vjeçare nga Durrësi dhe dy pacientë nga Tirana, 71 dhe 85 vjeç.

Në total, numri i personave që kanë humbur jetën nga Covid-19 në Shqipëri ka arritur në 62 persona, ndërkohë që në spitalin infektiv 3 pacientë ndodhen të intubuar.

Ministria e Shëndetësisë bëri të ditur se të tre pacientët vuanin nga disa sëmundje bashkëshoqëruese.

LEXO EDHE  Vettingu në Policinë e Shtetit, Meta nuk dekreton ligjin/ Mund të keqpërdoret në zgjedhje

“Fatkeqësisht, megjithë përpjekjet e stafit mjekësor, 3 qytetarë e kanë humbur betejën me Covid19 në 24 orët e fundit. Një 44 vjeçare nga Durrësi, një pacient 71 vjeçar nga Tirana dhe një pacient 85 vjeçar gjithashtu nga Tirana. Të 3 pacientët kishin disa sëmundje bashkëshoqëruese dhe nuk kanë mundur dot të mbijetojnë për shkak të rëndimit të gjendjes shëndetësore, pavarësisht trajtimit intensiv nga stafi mjekësor”, thuhet në njoftimin zyrtar të Ministrisë së Shëndetësisë.