Fuga për propozimin e Lleshajt: Lidhni Turin! Fantazma po shfaqet dhe në projektligjin për gjuhën e minoriteteve

Akademiku Artan Fuga ka kritika për gjuhën e përdorur draftin e Ministrisë së Brendshme për përdorimin e gjuhës së minoriteteve aty ku ata përbëjnë mbi 20 përqind të popullsisë.

Në një postim në rrjetet sociale, të titulluar “Fantazma e Turit të Maturës po shfaqet edhe në projektligjin për gjuhën e minoriteteve në rrafsh lokal”, akademiku shkruan:

“Kush e shpjegon kuptimin e këtij formulimi juridik të paraqitet për t’i dhënë një dhuratë modeste! ‘Njësia bazë e vetëqeverisjes vendore, në të cilën personat që i përkasin një pakice kombëtare banojnë tradicionalisht ose përbëjnë mbi 20 për qind të numrit të përgjithshëm të popullsisë brenda territorit të saj, krijon kushtet për përdorimin e gjuhës së pakicës në marrëdhëniet ndërmjet tyre dhe personave që i përkasin pakicës, bazuar në kërkesën e tyre’! Lidhni Turin”.

Kundërshti për këtë akt janë ngritur nga Instituti i Historisë pranë akademisë së studimeve albanologjike. Sipas specialistëve të fushës ngritja e këtij komisoni është e panevojshme dhe e dëmshme për interesat kombëtare për të diskutuar rreth ekzistencës së pakicave të reja kombëtare ne vend. Po ashtu edhe Avokati i Popullit ka kontestuar numrin prej 300 personave te cilët duhet të paraqisin kërkesën për të marr statusin e pakicës kombëtare.

LEXO EDHE  Europa në ankth nga një izolim i dytë/ Rriten frikshëm të infektuarit me Covid 19