Covid-19 në Itali/ 24 viktima dhe 224 raste të reja në 24 orët e fundit

Italia ka publikuar bilancin e viktimave nga koronavirusi gjatë 24 orëve të fundit, i cili ka shënuar një rënie të ndjeshme, krahasuar me një ditë më parë.

Në 24 orët e fundit, në Itali kanë humbur jetën 24 persona të prekur me koronavirusi, ndërsa një ditë më parë ishin 49 viktima.

Po ashtu, edhe rastet e reja me Covid-19 janë ulur, pasi në 24 orët e fundit kanë rezultuar pozitivë 224 persona, 38 më pak se një ditë më parë.

LEXO EDHE  Shkuan për t’u argëtuar, 6 persona qëllohen me armë gjatë koncertit

Nga rastet e reja, 128 janë vetëm në Lombardi, rajoni më i goditur nga pandemia, ku në 24 orët e fundit kanë ndërruar jetë 13 të prekur me Covid-19.

Ndërkohë, në 24 orët e fundit janë shëruar edhe 183 persona.