Zbardhet raporti sekret i OKB: Shqipëria i dërgoi armë Kongos duke shkelur normat ndërkombëtare

Ushtria e Kongos po furnizohet armë dhe pajisje stërvitore nga shumë vende pa njoftuar Kombet e Bashkuara siç kërkohet nga një rezolutë e vitit 2004, sipas një raporti të fundit në Këshillin e Sigurimit. Mes vendeve furnizuese është dhe Shqipëria.

Kombet e Bashkuara kanë akuzuar Shqipërinë, por edhe vende të tjera, se kanë dërguar armatime në Republikën Demokratike të Kongos.

Ndonëse vendi afrikan nuk është subjekt i sanksioneve dhe embargove, dërgimi i armëve duhet të bëhet duke njoftuar OKB-në, gjë që është anashkaluar nga vendi ynë dhe shtete të tjera si Rumania, Turqia, Afrika e Jugut, Izraeli, Kina, Irani, etj.

LEXO EDHE  Greqia ende neutrale ndaj statusit të Kosovës, Gërvalla pritet në Athinë pa simbole shtetërore

Raporti i Kombeve të Bashkuara është konfidencial, por u sigurua nga agjencia e lajmeve “AFP” këtë javë.

“Disa nga këto armatime, të destinuara për ushtrinë vendase, kanë përfunduar më pas në duart e grupeve të armatosura”, thuhet në raportin e OKB-së.