Egbo: Çdo ndeshje si një finale për Tiranën, kur mora ekipin lojtarët ishin…

Emërimi i Emanuel Egbo-s si trajner i skuadrës së Tiranës duket se ka qenë vendim fantastik i bardhebluve, pasi me ish-portierin nigerian skuadra është shumë pranë fitimit të titullit kampion.

Së fundmi Ego ka dhënë një intervistë për mediat në vendin e tij të lindjes ku ka shpjeguar e suksesit të tij te bardheblutë. Ai ka rrëfyer se kur mori drejtimin e skuadrës lojtarët e Tiranës ishin të rrëzuar psikologjikisht dhe fizikisht.

“Para së gjithash, gjithçka fillon me Zotin sepse Ai i jep hirin, Ai është faktori im dhe frymëzimi im, Ai më zgjodhi që ta bëja këtë punë për t’i sjellë lavdi emrit të Tij. Tirana ishte në vendin e tetë nga dhjetë skuadra kur unë mora përsipër ekipin në dhjetor, ata shkarkuan trajnerët që filluan sezonin, unë isha trajneri i portierëve atëherë. Lojtarët ishin të rrëzuar plotësisht psikologjikisht dhe fizikisht kur unë e mora përsipër ekipin. Me stafin tim, ne i vendosëm ata në rrugën e duhur, filluam të fitojmë, kemi luajtur 16 ndeshje, kemi fituar 15 dhe barazuar një. Sa i përket kualifikimit në Ligën e Kampionëve, ne po marrim ndeshjet tona njëra pas tjetrës, fitojmë njërën dhe vazhdojmë me të tjerët. Nuk më pëlqen të bëj llogari matematikore, çdo ndeshje është si një finale për ekipin tonë, kjo është ajo që u thashë lojtarëve të mi”, – ka thënë Egbo.

LEXO EDHE  Real Madrid-Athletic Bilbao, formacionet e finales së Superkupës së Spanjës