Zgjedhorja, Gjiknuri: Të hënën drafti shkon në Kuvend, dakord edhe për financimin dhe mediat

Pas mbledhjes së tryezës së grupit negociator të Këshillit Politik, bashkëkryetari i Reformës Zgjedhore, Damian Gjiknuri bëri të ditur se ditën e hënë do të paraqiten amendimet e plota në Kuvend të Reformës Zgjedhore.

“Dakordësuam amendamemtin që lidhet me financimin në zgjedhjeve dhe rolin e medias. Kemi dy tre pika të vogla, deri të hënën do të kemi të gjitha amendimet ligjore përfshirë edhe formatimin e KQZ. Të hënë maksimumi të martë shpresoj që të çoj zyrtarisht draftin e komisionit dhe të vazhdojë diskutimi në parlament”, tha Gjiknuri.

LEXO EDHE  Edi Rama dhe Koteci i Gazetarëve

Sipas tij, KQZ nuk ka element surprizë, janë parimet që janë bërë publike, po diskutojmë disa procedura për ppërzgjedhjen e anëtarëve ku do të jetë një skemë e hapur dhe do të reflektohen edhe propozimet e opozitës.

“Do të lejohen reklamat politike, nuk jemi në kushtet që të ndalojmë reklamat politike. Buxheti do të dyfishojë financimet për partitë dhe raporti do të jetë 1 me 3”, tha ai.