Protesta e maturantëve para Ministrisë së Arsimit/ Teza katastrofike, pyetje abstrakte

Maturantët kanë nisur protestën e tyre para Ministrisë së Arsimit lidhur me tezat e provimit të Maturës Shtetërore. Sipas maturantëve, pyetjet e testit ishin shumë abstrakte dhe ato kërkojnë të mos penalizohen, referuar edhe kushteve në të cilat është zhvilluar mësimi online në të paktën 3 muaj për shkak të pandemisë.

Maturantët kanë kërkuar rivlerësim të pyetjeve veçanërisht përsa i takon provimit të gjuhës shqipe dhe letërsisë.

Sipas maturantëve, provimet ishin një eksperiment total, që nuk kishte asnjë lidhje me tezat e vjetshme.

“Kërkojmë të dimë si është formuluar teza, e cila s’kishte lidhje fare me ato të viteve të mëparshme. Ishin pyetje absurde, për të cilat ne nuk dinim si të përgjigjeshim, pasi nuk jemi në mendjet e atyre që përgatitën tezat”, shprehen maturantët.

LEXO EDHE  Gjendet i ngrirë 22-vjeçari

Një tjetër gjimnazist ka treguar problemin më thellë: “ Gënjeshtra. Tezë katastrofike. Asnjë pyetje nga modeli. Librat që na u dhanë për t’u lexuar nuk ishin përfshirë në test. Pyetje që nuk duhet të binin sepse kishin lidhje me mësimin online (kështu na u tha, por që nuk e mbajtët fjalën); pyetje me aksion. Tragjikomedi e vërtetë, provimi i Gjuhë Letërsisë”.